Unanuko Kontzejuak Ergoienako Udalaren eskutan utzi du Babatzetako portalanga ondoan autoendako aparkalekua egiteko ardura. Aparkalekuak 1.406 metro karratuko azalera izanen du, 85 metro luze eta 18 metro zabal. Lursailak 56 ibilgailurendako aparkaleku jartzeko jartzeko aukera ematen du, baina proiektuaren helburua natur gunera joango diren ibilgailuen kopurua ordenatzea da, eta, beraz, hasieran 19 aparkaleku jarriko dira. Haietatik 15 ohiko aparkamendu plaza, eta bina zero isuriko eta mugikortasun mugatuko pertsonen autoendako. Azken lau plaza horien parean seinaleztapen bertikala jarriko da. Gainera, aparkalekuaren sarreraren ondoan hondakinak jasotzeko gunea izanen da.
Aparkalekuaren zirriborroa. UDALA
Lanek 46.910,82 euro (BEZ barne) aurrekontua dute. Obra egiten interesa duenak maiatzaren 6ko 23:30era arteko epea du eskaintza aurkezteko. Lana bere egiten duen enpresak garagarrilaren 2rako hasi beharko du lanekin eta irailaren 30erako despeditu beharko diru.
Zergatia
Unanu, Beriain menditik gertu dagoenez, mendizaletasunaren toki esanguratsua da, inguruko tontor ezagun eta preziatuenetako bat dela, eta Unanuko eta inguruetako mendizaletasun eta erakargarritasunari laguntzen dio. Hori guztia oso arazo garrantzitsua da unenuarrendako, naturarekin lotutako jardueretara zale asko joaten delako eta haiek hartzeko azpiegiturarik ez dagoelako herrian. Herrian eta mendira mendira bidean ibilgailu ugari daudela etengabe. Ibilgailuen fluxu horrek bisitarien segurtasuna arriskuan jartzeaz aparte, natur ingurunearen kalitateari ere kalte egiten dio, lurzoruaren higadurari eta paisaiaren degradazioari lagunduz. Izan ere, arautu gabeko aparkalekuak lurzorua trinkotzea, inguruko landaredia suntsitzea eta, oro har, kutsadura eta tokiko ur-baliabideak kutsatzea eragiten du edo eragin ditzake.
Publikoaren antolamenduari dagokionez, Unanura joaten den pertsona fluxu hori eraginkortasunez eta behar bezala hartzeko, eta unenuarren bizi kalitateari kalterik ez egiteko, Unanuko Kontzejuak beharrezkoa jo zuen naturalaz gozatzera joaten diren pertsonen ibilgailuendako aparkalekua eraikitzea.
Mendiaren osotasuna zaintzeko, hiri-espazioa antolatzeko eta eremu natural horren epe luzerako iraunkortasuna bermatzeko, Unanuko Kontzejuak nahitaezkoa jo du, beraz, lurzoru urbanizaezinaren eta mendiaren antolamendu egokia egitea. Aparkalekua eraikitzeak ibilgailuen banaketa antolatua ahalbidetuko du, eta, horrela, ingurumenean eragin kaltegarriak minimizatuko dira eta tokiko biodibertsitatearen kontserbazioa erraztuko da.