Sakanako Mankomunitateko kirol zerbitzuak Sakanako irristaketa eskolen topaketak antolatu ditu, Sakanako irristaketa eskoletako kideak biltzeko asmoz. Lehendabiziko topaketa larunbata arratsaldean egin zen Urdiaingo frontoian. Erantzun paregabea izan zuen ekitaldiak, 4 urtetik 16 urte bitarteko 124 neska-mutiko bildu ziren eta (Urdiaingo Aitziber klubeko 36 gaztetxo, Altsasuko klubek 44 eta Olaztiko Sutegiko 56). Neska-mutilak gustura aritu ziren. Kategoriaka lasterketak egin ziren - hastapen taldea, miniak, benjaminak, kimuak, haurrak, gazteak eta juniorrak - eta ondoren jokoak izan ziren. Bukaeran guztiendako auzate goxoa prestatu zuen Urdiaingo Aitziber irristaketa eskolak. Hurrengo topaketa abenduaren 11n izanen da, Altsasuko Burunda pilotalekuan, eta azkena ilbeltzaren 15ean, Olaztiko kiroldegian.