Aurten ere San Juango kantaita eginen dute

2020ko San Joango kantaita berezia izan zen ere. ARTXIBOA

San Joan bezperan, ekainaren 23an, 19:30ean, elizako ataritik aterako dira eta herriko plazara joanen dira. Bertan kantaita eginen dute gazteek. 

Bigarren urtez, eta osasun egoerak baldintzatuta, San Joango kantaita berezia eginen dute; erritua ermitan egin beharrean, herrian eginen dute prozesioa eta erritua plazan eginen dute. Neska gazteak eliza ataritik aterako dira asteazkenean, ekainaren 23an, 19:30ean, eta hortik plazara iturritik sartuko dira.