"Burundak duen kokagunea dela eta, bertako hizkera hiru alderdietatik elikatu da: Nafarroatik, Arabatik eta Gipuzkoatik. Badira, gainera, bertan sortutako hitz bereziak eta baita bertan gordetakoak ere". Ondare lexiko horren zati esanguratsu bat bildu ditu Koldo Zuazok Burundako Hiztegia-n: 3.941 sarrera, 1.446 azpisarrera, 75 esamolde eta 46 esaera eta esaera zahar. Uztailaren 1ean, ostirala, Urdiaingo festen atarian, Zuazok liburua aurkeztuko du herriko etxean. Aurkezpena 19:00etan izanen da, eta ondoren auzatea egonen da.