Ostiralean, apirilaren 23, Liburuaren egunaren eguna izanen da eta Ziordian orri markatzaile tailerra, liburutegiaren apainketa eta oparitxoen bila jokoa eginen dute. Pandemia egoeragatik eta jende pilaketak ekiditeagatik, ekimenak astean zehar banatuta eginen dira. Alde batetik, heldu eta haurrendako orri markatzaile tailerra eginen da. Liburuaren eguna behar bezala ospatzeko liburutegia koloretako paperezko zintekin apainduko dute. Zinta horietan liburuei buruzko esaldiak idatziko dituzte. Liburuaren egunean, ostegunean, herriko bazterretan liburutegiak prestatutako oparitxoak aurkitu ahal izanen direla jakinarazi dute liburutegitik. Informazio guztia eta izena emateko aukera: Ziordiko liburutegian.