Ziordiko Udalak, enplegu publikoan behin-behinekotasuna murrizteko premiazko neurriei segituz, merezimendu-lehiaketaren prozeduraren bidez, hutsik dauden bi lanpostu bete nahi ditu. Alde batetik, zerbitzu anitzetako langilea. D mailakoa izanen da eta lanaldi erdian ariko da udalarendako lanean. Euskarazko B1 ezagutza eta B mailako gidabaimena eskatzen du udalak. Beste aldetik, liburuzain lanpostua beteko da, C mailakoa eta %54,55eko lanaldia duena. Harendako euskarazko C1 maila eskatu du. Biak ere lan kontratudun finkoak izanen dira.