Ziordiko Etxaleku tabernan ohikoak dira ostiraletako kontzertuak eta emanaldiak, baina irailean are bereziagoak izanen dira, tabernaren 30 urteak ospatuko dituztelako. Hortaz, irailaren 8an, 18:00etan, Sabin Musika taldea izanen da; Country eta bertsioak jotzen ditu taldeak. Irailaren 15ean, 20:30ean, Fito & Fitipaldis, Antonio Flores, Los Secretos eta abar taldeen bertsioak egiten dituen Endika Laiaren kontzertua izanen da. Irailaren 22an, 20:30ean, Totem y Tabu taldearen emanaldia izanen da. Rock and roll, country eta pop bertsioak egiten dituzte Totem y Tabuk. Hilabetearekin amaitzeko irailaren 29an, 20:30ean, Duo Soni2 emanaldia izanen da Ziordian, rantxerak, kunbiak, rock and roll eta beste nahasten dituen taldea.
Etxaleku tabernaren urteurrena ospatzeko kontzertuak
Ziordiko tabernaren 30 urteurrena ospatzeko iraileko ostiraletan musika estilo desberdinetako kontzertuak izanen dira: hilaren 8an, Sabin Musika; 15ean, Endika Laia; 22an, Totem y Tabu, eta 29an, Duo Soni2.