guaixe.eus

#ALTSASU

  Politika  Altsasu

Lelo hori izanen du azaroaren 26an, larunbatean, 13:00etan Altsasuko Udalak, atxilotuen senideek eta herritarrek antolatutako manifestazioak.

#ALTSASU
UPNkoak izan ezik, gainontzeko zinegotzi guztiek akordioaren alde bozkatu dute. | Ikusi handiago | Argazki originala

Ferietako liskarra eta ondorengo atxiloketak direla eta, Altsasuko Udalaren gehiengoak, 13tik 12 zinegotzik, erakunde-adierazpena onartu du ezohiko bilkuran. Geroa Baik, EH Bilduk, zinegotzi sozialistek euren izenean eta ez alderdiarenean eta Goazen Altsasuk aldeko botoa eman dute. Kontra UPNko zinegotziak bozkatu du. Alderdi eta koalizioetako bozeramaileen artean, txandaka, irakurri dute onartutako testua.

Altsasuko Udalak, lehenik eta behin, “astelehenean atxilotutakoen familien sentipena gure egiten dugu; defentsarik gabe, babesgabe, eta seme-alaben etorkizunagatik oso kezkatuta sentitzen dira, gertakariak gehiegi puztu direlako eta Auzitegi Nazionalak gertakariak terrorismo ekintzatzat jotzean neurri gabeko zigorrak bete ditzaketelako”.

Hori dela eta, Altsasuko Udalak Nafarroako erakunde guztiei (gobernua, legegilea eta epaitegiak) babesa” eskatu die gertakariak Iruñeko 3. zenbakidun Instrukzio Epaitegian epaitu daitezen. “Han hasi zen instrukzioa eta han dago Foruzaingoaren txostena, bera izan baitzen auziaren ardura hartu zuena eta auzian eskuduna dela uste dugu”.

Altsasuko Udalak epaileen erabakiei errespetua adierazi die, baina gertakariei “terrorismo delitu” zigor-kalifikazioa ematearekin ados ez dagoela gaineratu du. Udalak nabarmendu du atxiloketak egitea ez zela beharrezkoa. Akordioan Altsasuko Udalak “herrian bakearen eta bizikidetzaren aldeko apustua” berresten du, “elkarbizitza horretan aurrera egiteko elkarrizketa eta guztion ardura-jarrera indartuz”. Aldi berean, udalak “erabateko arbuioa” azaldu du “gure herriaz eman den irudiaz, ez baitu errealitatearekin zerikusirik”. Aipatu hedabideetan gazteen bizitza pribatuari eta adin txikikoei buruzko informazioekiko ere arbuioa azaldu du Altsasuko Udalak.

Deialdia
Manifestazioa larunbatean, 12:00etan, aurkeztuko da, Iortia kultur gune pareko plazan. Jende asko bildu nahi duen prentsaurrekoa izan nahi du eta altsasuarrak hartan parte hartzera deitu dituzte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak