guaixe.eus

Elkartasuna adierazten duten testuei saria

  Kultura  Altsasu

Altsasukoak Aske literatur lehiaketako sari banaketa egin zen ostiralean. Idazlan sarituak euren egileen ahotsean entzuteko aukera izan zen. "Zuen testuekin elkartasuna, hitz potoloa, are gehiago gizentzen lagundu duzue" aitortu zieten

Elkartasuna adierazten duten testuei saria
Sarituen talde argazkia. | Ikusi handiago | Argazki originala

Gure Etxea eraikineko beheko solairua jendez lepo zegoela egin zen Altsasukoak Aske literatur lehiaketako sarien banaketa. Sariketaren helburua zen Altsasuko auzia deitzen dena hasi zenetik bizi izandako guztia modu sortzailean ematea.

Euskal Herri guztitik bidalitako 54 idazlan aurkeztu ziren Altsasukoak aske lehiaketako 12 ataletako batetara: olerkia, narrazio laburra eta mikro ipuina, gazte edo helduen mailan eta gaztelaniaz eta euskaraz. Azken horretan aurkeztu ziren lan gehienak. Bi mailetan lan bana aurkeztu ziren. Antolatzaileek jakinarazi zutenez, lan bakarra aurkezteagatik ez zuten saria ziurtatuta, gutxieneko kalitatea eskatzen zitzaien eta saritutako lan guztiek izan zuten.

Maila bakoitzean aurreneko biendako sariak izan ziren. Guztiek Altsasuko Gurasoek emandako diploma eta Altsasukoak Aske herri asabladako kideek emandako materiala jaso zuten. Baita Arkatz liburu-dendak emandako opari-txartela. Bost sari Sakanan gelditu ziren, hiru Altsasun eta bi Etxarri Aranatzen.

Saria jaso zuten 13 pertsonetatik 2k ezin izan zuten ekitaldian parte hartu. Gainontzekoek saria hartzearekin batera hura merezi zuen idatzia jendaurrean irakurri zuten, sari banaketa hutsa beharrean literatur ekitaldia bihurtuz ostiralekoa. Hitza Burundar Txistularien doinuekin lagundu zuten.

Asanbladako antolatzaileek azaldu zutenez, "testu horiek guztiek elkartasuna adierazi digute, jakin baitigu hau ez dela terrorismoa, justizia besterik ez garela eskatzen ari eta aske nahi ditugula gure gazteak".

 

Saila Maila Hizkuntza Aurkeztutako lanak Saria Egilea Izenburua Herria
Narrazio laburra Gazteak Euskara 1 1. Hutsik    
  Gazteak Euskara   2. Igor Martinez Ase, baina Aske Atarrabia
  Helduak Euskara 7 1. Joxe Aldasoro Ukabila altxatuta Etxarri Aranatz
  Helduak Euskara   2. Oihane Zuberoa Garmendia Kezkak lili artean Erronkari
  Helduak Gaztelania 1 1. Aitor Iragi El increíble caso de la bronca menguante Iruñea
Mikro-ipuina Gazteak Euskara 3 1. Alex Santano Alvaro Zigorra Altsasu
  Gazteak Euskara   2. Aitor Tena Egunsentia gertu da Zumaia
  Helduak Euskara 12 1. Haizea Ramirez de Alda Leihotik Altsasu
  Helduak Euskara   2. Joxe Aldasoro Tunelean Etxarri Aranatz
  Helduak Gaztelania 5 1. Hutsik    
  Helduak Gaztelania   2. Alicia Garcia La niebla de Sakana Elgeta
Poesia Gazteak Euskara 1 1. Aratz Fernandez Akordatzen Gasteiz
  Helduak Euskara 15 1. Ane Marcos Hutsera Atarrabia
  Helduak Euskara   2. Garbiñe Sagastibeltza Iluntasunaren argia Leitza
  Helduak Gaztelania 5 1. Maria Pinto Testamento Gasteiz
  Helduak Gaztelania   2. Ana Larraza De amor y dolor Altsasu

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak