9.000 pertsonak eskatu dute Altsasuko auzikoen askatasuna

Guaixe 2018ko eka. 5a, 21:30

Altsasuko Gurasoak taldeko kideek zabaldu dute gaur arratsaldean egin den manifestazioa. Gaurko atxiloketak eta espetxeratzeak salatu dituzte. Aldi berean, "estatuko arduradun politikoei exijitzen diegu ez jokatzeko lurralde totalitarioen eran".

Manifestazio burua San Juan eta Zelai arteko kaleko bidegurtzera iritsi denean azken manifestariak Bakea kaleko 51 zenbakiaren parean zeuden oraindik. 750 metroko luzeran izan du manifestazioak eta 9.000 pertsona inguru bildu ditu. Gurasoek herritarren babesa eskertu dute beste behin.