Altsasuko auziaren jarraipena egin duten bederatzi eurodiputatuk, Auzitegiak epaia berretsi ondoren, Europako Batzordeari idatziz galdetu diote 2 eta 13 urte arteko zigorrak berretsi ondoren esku hartuko duen. Marina Albiolek (IU), Xabier Benitok eta Migel Urbanek (Ahal Dugu), Izaskun Bilbaok (EAJ), Ana Mirandak (BNG), Jordi Solek eta Josep Maria Terricabrasek (ERC), Ramon Tremosak (PdCAT) eta Ernest Urtasunek (ICV) (Josu Juaristi eurodiputatu ohiak bat egiten du) salatu zuten auziko instrukzioan aritutakoek eta auzitegiek emandako epaiak Europak ezarritako irizpideak eta Europako Funtsezko Eskubideen Kartako gutxienez zazpi artikulu urratzen dituela gaztigatu zuten. Horregatik, bederatzikoak jakin nahi du Europako Batzordea prest dagoen auzibide horrek Europako araudia betetzen ote duen aztertzeko, Frans Timmermans lehendakariordeak 2017ko irailaren 29an horretarako konpromisoa hartu baitzuen. Europako Parlamentuko lehendakari-ordeari gogorarazi diote zuzenbide estatuaren osasunaren eta Funtsezko Eskubideen Karta betetzen dela zaintzearen ardura duela.
Bederatzi eurodiputatuek nabarmendu dutenez, ezarritako 2 eta 13 urte bitarteko zigorrek ez dutela autoritatearen agenteen kontrako beste erasoekin bat egiten. Bederatzikoak gogorarazi duenez, lehenik auzipetuei “epaile naturalerako eskubidea ukatu zitzaiela terrorismo akusazioa egitean. Europar Batasun guztirako terrorismoaren definizio homogeneoa egiten duen 2017/541 zuzentarauaren bigarren tituluan deskribatzen diren adibideetako batekin ere ez du bat egiten horrek”. Eurodiputatuek gaineratu dutenez, “ez instruktoreak ezta auzitegiak ere ez zuten saihestu, eta erraztu zuten, akusatuak errudun gisa aurkeztea, 2016/343 zuzentarauaren 4. eta 6. artikuluen ageriko urratzea”.
Aldi berean, bederatzikoak instrukzio aldian probak ez zirela onartu adierazi du. Eta zigor-arloko prozesu batean akusatuen defentsak froga-jardunerako duten eskubidea epaiketan eragotzi zela gaineratu du. Hori 2013/48 zuzentarauan jasoa dagoela azalduta dagoela gaineratu dute. “Baldintza horiek guztiek ondorioz prozesuak eta azken epaiak Europako Funtsezko Eskubideen Kartako 4, 8, 20, 21, 47, 48 eta 49 artikuluak argi eta garbi urratzen dituzte”.
Izaskun Bilbao Barandikak gogorarazi duenez, “kasu honetan ez dugu inolako zigorgabetasunik defendatzen”. Eta gogorarazi du igandeko manifestazioaren leloa “Hau ez da Justicia” zela. Ahal Duguko ordezkariek epaia ETA jarduten zuen garaian Nafarroan izandako antzeko kasuekin alderatu zuen. Baita estatuko beste tokietan izan diren, jende gehiagoren parte hartzea izan duen, heriotza mehatxuak egin diren eta zauri fisiko larriagoak izan diren beste kasuekin alderatu ditu ere. “Zigor horiek justifikatzeko argudiatu da Guardia Civila bereziki zaurgarria den kolektiboa dela. Erakunde armatu bat, delituari aurre egiteko prestakuntza duena, lurralde guztietan barna hedatuta dagoena ez du zerikusirik babesgabeko pertsonekin, haiendako sortu baitzen arau juridiko hori”.
Apelazio Aretoak epaia berretsi ondoren, eskaera bederatzi eurodiputatuk egin dute “lege urraketak” daudelakoan.