Altsasuko auzia artearen bidez aztertzen

Guaixe 2019ko ira. 30a, 10:21
Artebide elkarteko kideak Altsasuko Arte Azoka prestatzen. ARTXIBOA

Artebide elkarteak 'Altsasukoak Aske inguruko proposamen artistiko'-en laborategiak antolatu ditu. Aste honetan, astelehenetik asteazkenera, 'Sareak' deitutako proposamena landuko dute

Aurreko astean hasi ziren Artebide elkarteak antolatutako Altsasukoak Aske inguruko proposamen artistiko-en laborategiak. Hitzaren, gorputzaren, mugimenduaren, objetuen eta interpretazioaren bidez Altsasuko auziari buruz hausnartu eta aztertu nahi du arte elkarteak.

Oraindik proposamen artistikoetan parte hartzeko aukera dago. Gaur, bihar eta etzi Sareak deitutako laborategia landuko dute: gorputzaren, mugimenduaren eta objetuen bidez lan egingo dute Iortia kultur gunean, 18:30etik 20:30era. Datorren astean, urriaren 7an, 8an eta 9an, Letanias deitutako proposamena egingo dute, 11:00etatik 13:00etara eta 18:30etik 20:30era.