2020ko festa 'berriak'

"Makro-botiloi" bat "gelditu" dutela jakinarazi du foruzaingoak

Foruzaingoak zabaldu duen irudia. POLICIAFORAL_NA

Atzo hastekoak ziren festak Altsasun. Foruzaingoa, Guardia Zibila eta Altsasuko Udaltzaingoa elkarlanean aritu dira bart botiloi "handi" bat "eragozteko". 

Altsasuko ez-festetan ospatzekoa zen "makro-botiloi" bat eragotzi dutela jakinarazi du foruzaingoak. Nafarroako polizia, Guardia Zibila eta Altsasuko udaltzaingoa elkarlanean aritu ziren. Santa Luzia dermioan egitekoa zen festa, poliziek jakinarazi dutenez, eta bertan potentzia handiko bozgorailuak, karpa bat, ekipo elektrogenoa eta abar jaso dituzte. Guardia Zibilak jakinarazi duenez, bertan zeuden pertsonek ihes egin zuten. 

Nafarroako Gobernuak neurriak murriztu ditu
Gaur indarrean sartu dira Nafarroako Gobernuaren neurri murriztatzaileak. Ondorioz, besteak beste, elkarteak berriz itxi dituzte eta ezin dira sei pertsona baino gehiagoko familia edo lagun taldeak elkartu, leku pribatu zein publikoetan. 

Erlazionatuak

"Erantzukizun indibidual zein kolektiboa"

Altsasu

Ez-festak direla eta, horixe eskatu diete altsasuarrei Nafarroako Gobernuak eta udalak. Udaltzaingoa gaur eta bihar gauean lanean ariko da.