Urbasapean Altzaniondo
Burundan dotore zaude
tren oihartzuna urrun adarrots,
laia, txirrika, otalur-bazter
txanbolin dantzan Mainamikirri,
basoan badago, badago siets.
Altsasu giltzapean
gazteak dituzu,
mendeku zital beltza
toga mozorrotu,
Oinaze larri hauxe
geroan akuilu
gaur jasaile zarena
bihar hatsa biztu.
Otordu eta ostatu zintzo,
egutera, hits langarra
beti ausarta sasi gainetik
ardoz da asegarri zilarra
herri maitea, oparo luza
ezazu, ezazu zain hariztarra
Altsasu giltzapean
gazteak dituzu,
mendeku zital beltza
toga mozorrotu
Oinaze larri hauxe
geroan akuilu
gaur jasaile zarena
bihar hatsa biztu.