Ainhoa Ramirez de Alda altsasuarrak bere lehenengo liburua kaleratu du: Galtzerdi erdi. Ipuin ilustratuak desberdin sentitzen den Gabonetako galtzerdi baten istorioa kontatzen du, eta desberdintasunen gaia jorratzen du. Abenduaren 16an, ostirala, 17:00etan, Altsasuko Txantxari ludotekan -Intxostiapunta eraikinean- ipuinaren aurkezpena eginen du eta, ondoren, eskulan tailerra eginen dute. 4 eta 7 urte bitarteko haurrendako bideratutako aurkezpena izanen da.