Udan jarri zuten martxan Haize Berriak bandaren eta Sakanako musika eskolen zubia den Haize Txikiak banda arrakasta handiarekin. Lehenengo egonaldia Irurtzunen egin zuten uztailaren erdialdean, eta urteko bigarrena abenduaren 26tik 30era eginen dute Iortia kultur gunean. Ikastaroaren amaiera egunean, Haize Berriak bandak bere 25. urteurrena ospatuko du eta gonbidatuen artean banda txikia egonen da. Gainera, ilbeltzaren 8an, igandea, 12:30ean, kontzertua emanen du Iortia kultur gunean. Egonaldian kontzertuetarako prestatu ez ezik, musikarekin zerikusirik duten zenbait jarduera eginen dituzte ere.
Urtarrilaren 22an, igandea, Sansaastin festen barruan, Haize Txikiak bandak kontzertua emanen du Lakuntzako plazan.
