Larunbata grisa esnatu zen Altsasu eta Burunda aldean, baina goizean eutsi zion. Altsasuko Mendigoizaleak taldeak antolatutako XIV. Hiru Mendi Zerrak martxan 271 mendizale zeuden izena emanda eta nahiz eta batzuk huts egin, bertaratu ziren 231 mendizaleak gustura ibili ziren, “lohia topatu dugulako, baina mendian ibiltzeko primeran” zegoelako. Ziordiko guneko haragi gisatua eta Urdiaingo Auntzetxeko magrak goraipatu zituzten. "Bikainak" omen.