Artebide elkarteak antolatutako XII. Arte Azokaren barruan, urriaren 27an eta azaroaren 17n, ostiralak, Txuspo Poyo artista altsasuarraren azken ikus-entzunezkoaren proiekzioa eginen dute: Gran Hotel Nazareno. Urriaren 27an artistak film laburra aurkeztuko du. Sarrera doakoa da, baina gonbidapena hartu behar da Iortia kultur gunearen webgunean edo txarteldegian.
Sinopsia: Balea baten hezurdura —Nazareno ikastetxeko kabineteko pieza esanguratsuenetako bat— daraman furgoi bat martxan jartzen da, ikastetxeko eraikina luxuzko hotel bat egiteko saldua izan ondoren. Furgoia Erromako leku enblematikoetatik igarotzen da eta horiek ere, ikastetxea bezala, lekualdatu eta esanahiz hustu dira, hiriko turismoak berak sortutako historia garbitzeko eragiketa espekulatibo batean.
Fitxa artistikoa:
Zuzendaritza: Txuspo Poyo
Argazkia: Juantxu Beloki
Soinua: Javier Álvarez
Musika: Javier Quislant
Parte-hartzaileak Virginia Morant, Maral Kekejian, Ettore Siniscalchi
Produkzioa: Academia de España en Roma
Emanaldiak:
Urriak 27, ostirala, 19:30ean, Iortia kultur gunearen areto txikian.
Azaroak 17, ostirala, 19:30ean, Iortia kultur gunearen areto txikian.
Gonbidapenak: Iortia kultur gunearen webgunean eta txarteldegian.
