Itaiak Altsasun antolatutako manifestazioaren bidez Indarkeria matxistaren aurka borrokatu leloa zabaldu zuen. Emakumeen antolakunde sozialistako kideek adierazi zutenez, estatu sozialista sortzeko bidean ekarpena eginen duen “alternatiba politiko bat” garatzea da antolakundearen hautua, uste baitute indarkeria matxista bukatzeko “langile klaseko askotariko kolektiboen zapalkuntzak indartzen dituen gizarte eredua” ere akabarazi behar dela.
Hori eginen duen indar politiko bat eratzea defendatu du. Itaiaren iritziz, alderdi politikoek eta instituzioek ez dute bortizkeria matxistarekin bukatzeko bideorririk mahaigaineratu.
