Atzoko eta gaurko euskal kantuen kontzertua emanen du Erkudengo Ama abesbatzak

Ekainaren 6an, larunbata, 19:30ean, Iortia kultur gunean, Euskal Herria Kantuz, atzo eta gaur (ayer y hoy, gaztelaniaz) kontzertua emanen du Erkudengo Ama Abestatzak. Kontzertua bi zatitan banatuko da: lehen zatian euskal bakarlarien abestiak interpretatuko dituzte, Paul Berzaitz, Mikel Laboa, Xabier Lete edo Benitu Lertxundi, eta bigarren zatian, belaunaldi desberdinak dantzan jarri dituzten taldeen abesbatzarako moldatuak kantatuko dituzte: ZETAK, Gozategi, Hertzainak, Itoiz edo Ken Zazpi taldeen abestiak. Abesbatzarekin batera Ainhoa Beramendi piano jolea izanen da. Sarrerak 5 eurotan eros daitezke kultur gunearen webgunean eta txarteldegian.