Eguzki eklipse osoa izanen da agorrilaren 12an. Hori dela eta, Nafarroako Gobernuak herrialdearen erdialdean eta hegoaldean eklipsea behatzeko hogei puntu ofizialez osatutako sare bat osatu du. Haietara joan-etorria egiteko garraio zerbitzu berezia antolatu du foru administrazioak, EKLIPSEBUS izenekoa.
Behaketa sare ofizialaren barruan sarrera bat eskuratzen dutenendako bakarrik dago erabilgarri EKLIPSEBUS. Guztira, bederatzi autobus linea prestatu dira, Nafarroako hainbat herri eta 20 behaketa-guneak lotzeko. Haietako bat, seigarrena, Altsasu, Iruña, Arguedas eta Bardeako Aguilares dermioa lotzen ditu. Garraio zerbitzuak aukera ematen die erabiltzaileei ezarritako edozein geralekutan sartzeko eta helmugako puntura iristeko ibilgailu partikularrik erabili beharrik gabe.
Sarrerak erosteko prozesuan kontratatzea
Interesdunek autobus-linea aukera dezakete behaketa-sare ofizialerako sarrera erosteko prozesuan. Sarrerak bost euro balio ditu eta betaurreko homologatuak barne sartzen dira. Bestalde, EKLIPSEBUS irteerako bi ordutegi eta itzulerako bi ordutegi izanen ditu ibilbide bakoitzerako, egunean zehar etorreren eta irteeren banaketa errazteko helburuarekin.
Sarrerak eta garraio zerbitzua www.eklipsenavarra.com webgunean eros daitezke, baita Baluarteko leihatilan eta La Moreako NICDOren saltokian ere. Prezioa 5 eurokoa da, gehi kudeaketa gastuak. 3 urtetik beherakoendako, tarifa 3 eurokoa da.
Mugikortasun ordenatu eta iraunkorra
EKLIPSEBUS martxan jartzea erakundeak mugikortasun iraunkorragoa bulkatzeko eta eklipsearen ondorioz aurreikusitako joan-etorrien eragina murrizteko bultzatutako jardueren parte da.
Neurri hori egunerako aurreikusitako beste ekimen batzuekin osatzen da, besteak beste, autoendako, karabanendako eta mugikortasun murriztua duten pertsonendako ibilgailuendako doako aparkalekuak prestatzearekin behaketa-sare ofizialeko zenbait puntutan.
