Irurtzungo eta Arakilgo Gazte Asanbladak antolatutako gazte eguna despeditzeko bihar, 22:30etik aurrera, jaialdia izanen da Irurtzungo frontoian. Itziarren Semeak taldeak Revolta diskoko ska-punk doinuak eskainiko ditu. Kaotikoren punk-rocka EH Calling birako azken emanaldietako batean entzuteko aukera izanen da biharkoa. Kalera boskotearen rock alternatiboa entzungai izanen da ere. Jaialdia Trikizioren folk, rock eta ska nahasketak itxiko du.
