Maria Esparza: "Lorentxa asteartean askatuko dute eta espero dugu gaixo larri dauden gainontzeko presoendako bidea izatea"

Guaixe 2016ko ots. 26a, 10:24

Maria Esparza Luri arakildarra Lorentxa Gimon presoaren koinata da. Gimonek gaixotasun larri eta kronikoa dauka eta borroka luze baten ondoren, asteartean utziko dute aske

Lorentxa Gimonen senitartekoek eta Iparraldeko abertzaleek borroka handia egin dute Lorentxa Gimonen askatasuna eskatzeko. Gimonek Krohn izeneko gaixotasun larri eta kronikoa dauka, egoera oso aurreratuan gainera. Espetxean ezin dizkiote behar dituen zainketak eman eta bere askatasuna eskatzeko egin diren lanek fruitua izan dute, Parisko Dei Auzitegiak emandako epaiaren arabera asteartean aske utziko dutelako. Bere koinatu Maria Esparza Luri arakildarrari elkarrizketa egin diogu.