Negozio bat ireki aurretik "jendeak normalean" ate irekiera jardunaldia egiten du, baina Sakana Padel pistako Joseba Alzueta eta Jon Ecahide "bi tipo xelebreek" gauzak alderantziz egin dituzte eta pista martxan jarri ondoren eginen dute mustutzea. Otsailaren 11n, larunbatean, 17:00etan, gizonezko eta emakumezko padel "pro" partiduak, bi profesionalen hitzaldia, kirol konbo zozketa eta askaria (diotenez, aurrekontua iristen bazaie) izanen da Arbizuko Sakana Padelen.