Sakanako Mankomunitateko Kirol zerbitzuak emakumeei zuzendutako padel topaketa antolatu du azaroaren 5ean, igandea, 10:30etik 13:30era, Arbizuko Sakana Padel egoitzan. Haurrendako zaintza zerbitzua egonen da, eta behar duenak taxi zerbitzua izanen du ere; ekitaldia doan da. Padel Ate Irekiak ekimen honekin Mankomunitateak emakumeek padela ezagutzea nahi du, Amaia Gerrikagoitia Kirol zerbitzuko teknikariak azaldu bezala.