guaixe.eus

Udalak joan den urteko galdeketaren balioa aitortu du

  Politika  Bakaiku

Astelehenean egindako bilkuran erakunde-adierazpena onartu zuen.

Udalak joan den urteko galdeketaren balioa aitortu du
Egoitz Urriza alkatea adierazpena irakurtzen. | Ikusi handiago | Argazki originala

Urteurrenaren egunean Bakaikuko Udala bildu eta erakunde-adierazpena onartu zuen. Hartan 2017ko azaroaren 27ekoa “bakaikuarrendako egun ahaztezina” izan zela nabarmendu du udalak. Eta azpimarratu “herri galdeketaren balioa zenbakiez haratago doa”. Udaleko kideen iritziz, “egun horietan Bakaikuko herriak garaipen handia lortu zuen”. Eta horiek zerrendatu ditu: “herria batu zen, hesiak eta hormak gainditzeko balio izan zuen; era askean bere erabakiaren jabe izan daitekeela erakutsi zuen; auto-antolakuntza gaitasun handia erakutsi zuen; balore demokratikoetan sakondu zen eta ondoko herriek bide bera jarraitzeko akuilu bihurtu zen”.

Udalak bakaikuarrak animatu ditu “etorkizunean erabakitze eskubidearen alde bide demokratikoetan sakontzen jarraitzeko”. Bere aldetik, udala  “erabakitze eskubidea egikaritzeko beharrezkoak diren pausoak ematea” konprometitu da.

Argazkia eta audioa: @Bakaiku_info

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak