Larunbat arratsaldean Aitzkozar lasterketa jokatu zen Bakaikun. Hasieran haurren kategorietako probak jokatu ziren, eta ondoren proba nagusia, Bakaiku eta Iturmendi artean (8,1 km). Iñigo Garcia iruindarra izan zen azkarrena (27:09), Eukeni Goikoetxea altsasuarrari minutu bat ateraz (28:06). Asier Estarriaga etxarriarrak osatu zuen podiuma (28:46). Emakumezkoetan Ines Moreno altsasuarra gailendu zen (32:54), Erkuden San Martin etxarriarraren (37:19) eta Esti Mateos iturmendiarraren (42:19) aurretik.
Bakaiku eta Iturmendi artean jokatzen den lasterketako partaide gehienak sakandarrak izan ziren
