Santus santu, erromeis erromei

Yaniaun San Kiriko patrona ospatu ondorien, harrek San Adriani txanda pasa eta etxarriarrak biyerko prest de. 09:00ten etxe handiyan paretik etxajube bota eta txistulayek aurretik diyuezela, hala fanen die beheko baso aldia udalekuek, oines. Eta Ermitta biyerteko bidie hala einen dau makina bat etxarriarrek, nehiz eta gehiyenak kotxetan fan.

Udaletxekuek allatzen dieniako, 10:30 aldia, makina bat jende fritada prestatzen noiz akatuko debien espia yonen die. Auzatien, haragi gixetube eta harren saldakin egindako zopa jateko aukera izenen da. Ta behin tripe bete debienien, orduben zabalduko ttubie udaletxeko langillek ardo kupelak. Alkoholipeko yana de izenen da. Eguerdiyen ermitten meza izenen da. Hure despedittuta, plazan, dantzaiyek aittuko die.

Asko ta asko, ordie, bazkaie prestatzeko subek ein eta haragiye suben prestatzen jarriko debie. Famili ta lagun-artien hizketatu eta mokadu ta trago artien bazkal gareye allatuko da, 15:00etan. Majo bazkaldu ta gio, sei terdiyek aldia, txistulaiek mehis-mehi pasako die. Animosonak mehitik jaso ta jota ta porrusaldak dantzatuko ttubie. Basotik erretietu aurreti, 19:00ten, Gernikako Arbola kantatuko da eta horren ondorien herrieñoko kalejira hasiko debie, kantu, dantza eta salto. Eztarriye garbitzeko bidien lauten geldittuko da udaleko kamiona ta sekule ardoik yaten ez denak de yan einen dau.

Basopokaleko geldialdiyen traguekin batia bokau bet jateko aprobetxatuko debie. Hortik herri biyertien makina bat aldiz dantzatuko da Dantzakiye, hortako soka mordo bat izenen die. Gauerdieko herrire allatuko die goizien erromeyen fandakuek. Etxe handiyan parien atzeneko Dantzakiyek dantzatu eta bestelako musikan txanda izenen da segidan. Kioskuen Trikidantzek dantzaldiye eskeiniko dau, 20:00etatik 21:00etara eta 22:30etik 2:30era.

Udalaren oharrak
DENOK PRESTATU, DENOK GOZATU
· Ez utzi erromerien prestaketan etxeko andreen esku. Denok inplika gaitezen!!

ONGI PASA PASATU GABE
· Alkoholaren kontsumo arduratsua egitea gomendatzen da.
· Udalak ardoaz aparte mostoa ere banatuko du.

ERASORIK EZ
· Etxarri Aranatzen ez dugu eraso matxistarik edo bestelakorik onartzen.

BAZTERRAK GARBI-GARBI UTZI
· Zabor guztiak jaso.
· Ez utzi inon zikinkeria-arrastorik.
· Mahaiak eta bestelako tresnak hurrengo egunerako jaso.

HONDAKINAK ONGI SAILKATU
· Otorduetako hondakinak ongi sailkatu. Udalaren mahaian poltsak eskura egonen dira.
· Gogoratu: edukiontzietan ontzi arinak eta errefusa poltsa transparenteetan, eta organikoa poltsa biodegradableetan.

AHALIK ETA KOTXE GUTXIEN SAN ADRINEN
· Kotxeak konpartitu. Segurtasun arrazoiengatik komeni da basoan ahalik eta kotxe gutxien egotea.
· Aparkatzean ez kendu tokia oinezkoei,  eta utzi pasa beste kotxeei.
· Autoekin bideetatik ez atera, ezpondak ez kaltzeko eta lohirik ez sortzeko.
· Arratsaldean komeni da herrira joan nahi duten kotxeak udalaren kamioaren aurretik ateratzea (19:00ak baino lehen), gero oztoporik ez sortzeko.

SUA, NEURRIAN
· Suak konpartitu, basoan ahalik eta kalte gutxien sortzeko.
· Ez surik egin zuhaitz txikien ondoan, suak estres hidrikoa eragiten duelako.

ALTSASUKOAK ASKE
· 14:00etan Aurrera Altsasu kanta kantatuko dugu, elkartasunez. Tarte horretan udal zerbitzuak eten eginen dira.