"San Adrian eguneko piperropilak errazak dira egiteko eta oso goxoak dira"

Oihana Artieda Galdeanok 22 urte daramatza Etxarritik kanpo, baina San Adrian egunean urtero etortzen da; ez da sekula falta izan. Bere familian betidanik piperropilak egin dituzte San Adrian egunerako. Nahiz eta osasun krisiarengatik aurten San Adrian eguna modu ezberdinean ospatu, Artiedatarren mahaian piperropilak egongo dira: "Piperropilak egingo ditugu bai ala bai, ezin dira San Adrian egunean falta" dio.