Hotz handiarekin jokatu zen Etxarri Aranazko Txakurkrosa, kanpineko inguru ikusgarrietan. Triku Trailek 6 kilometroko zirkuitua prestatu zuen, azken eguneko izotzengatik lehorra zegoena, eta partaideek ziztu bizian osatu zuten ibilbide ederra: bizikletak eta patinak 12 minutu pasaren bueltan, eta korrikalariak 18 minututik gora. Lau sakandar lehiatu ziren guztira: Juan Bautista Urtasun (patina), Igor Lanz (bikejoringa), Israel Arbizu (txakur krosa) eta Harriet Artieda (txakur krosa). Lasterketak irudi ikusgarriak utzi zituen.
Etxarri Aranazko Txakurkrosa, ikusgarria
128 partaide izan zituen Triku Trailek Euskanikrosen laguntzarekin antolatutako Etxarri Aranazko Txakurkrosak. Israel Arbizu etxarriarra hirugarren sailkatu zen txakur krosean eta Juan Bautista Urtasun lehena izan zen patinetan
