Pello Mariñelarena Imaz etxarriarra 1993ko maiatzaren 15ean hi zen Parisko espetxe batean, "berandu eta gaizki" artatutako gaixotasun baten ondorioz, senideek eta lagunek azaldu bezala. Mariñelarena sortzailea zen, "sentibera eta barne bizitza aberatsekoa. Gaintasun berezia zuen sakon sakonetik irteten zitzaion barne bulkada hori margolanetan eta olerkietan islatzeko". Espetxeak ez zion sormena eten.
Mariñelarenaren heriotzaren 30. urteurrenean Espetxea eta Sorkuntza egitaraua prestatu dute Etxarri Aranatzen, "oroimen ariketa egitearekin batera presoen eta herriaren arteko komunikazio bidea zabaltzeko asmoz".
'Espetxea eta sorkuntza' egitaraua
Apirilak 30 igandea
18:30 kultur etxean
Apaiz kartzela dokumentalaren emanaldia eta Xabier Amurizarekin solasaldia.
Bidaia erreal bat egoera itxuras irreal batean kontatzen du. 1968 eta 1976 urteetan Zamorako apaizen kartzlean preso egon ziren lau apaiz presondegira itzultzen dira. Apaiz horietako batzuek hamar urtetik gorako zigorrak jaso zituzten franksimoaren errepresioa salatzen zuten sermoiengatik. Apaiz horietako bi izan ziren Xabier Amuriza eta Etxarri Aranatzen bizitzen aritu den Jon Etxabe.
Maiatzak 5, 6 eta 7
Ostiraletan 18:00etatik 20:00etara eta asteburuetan 12:00etatik 14:00etara eta 18:00etatik 20:00etara
Iñaki Pikabea Piti preso oiharen Ekinaren Ekinez artelanen erakusketa.
Eskultura, margolan eta collage sorta, gizarteari eta ingurumenari buruzkoak. Artelanetan mugarik gabeko esperemintazioa darabil artistak.
Maiatzak 10 asteazkena
19:00 kultur etxean
Sorkuntza eta espetxea mahai ingurua: Iñaki Pikabea Piti eta Jokin Urain Kixkur preso oihak, Ateramiñe elkarteko kideak.
Maiatzek 13 larunbata
12:30 plazan
Pello Mariñelarena Imaz 30 urte gogoan. Sormenak batzen ditu presoa eta herria ekitaldia.
