Eguraldiak ez zuen lagundu, eta Euskalerriari frontoian elkartu ziren etxarriar gehienak patroiaren eguna ospatzeko. Elkarteak, bajerak eta txokoak ere izan ziren kuadrillen aterpe. Udalak 200 litro ardo banatu zituen, estreinakoz Nafarroako ardo ekologikoa.
Bazkaldu ondoren, mahai arteko kalejira baten ondoren plazarako bidea hartu zuten txistularien laguntzaz. Han hamahiru kintok dantzakia dantzatu zuten. Gainontzekoek San Adrian egunean eginen dute. Ospakizun hori ere prestatzen hasiak dira etxarriarrak.