Arakilgo Zaldua futbol taldeak 37 urte daramatza Elomendiko Futbol Txapelketan parte hartzen. Pello Garcia Aizpun Zalduako jokalari izan da 30 urtez, Zalduako arduraduna da eta Elomendiko Futbol Txapelketako antolatzaileetako bat. Nafarroako herrien arteko futbol txapelketa xumeenaren nondik norakoak eman ditu Garciak. "Zalduan edonori futbolean aritzeko aukera ematen diogu, bakoitzak ahal duen moduan. Gure taldearen ateak beti zabalik daude" nabarmendu du.