Merenderoan hitzordua

Irintarrak Txapel Azpi elkartearen ondoan.

Irintarrak merenderoan elkartuko dira igandean, 20:30ak aldera. Frontoiaren eta Txapel Azpi elkartearen atzeko alde horrek hartuko ditu udako solstizioko ospakizunak. Hasteko urdaia eta bestelakoak prestatuko dituzte, otamenerako. Majo jan ondoren, gaua sartzear doala sua piztu eta su gainean saltoka ibiliko dira. Irintarrek horrelakoetan esaera bat esanen dute: zorriyek eta partzak, sarna fuera!