Sakanako Mankomunitateak Bizi Festa Bizkleta ibilaldi berezia antolatu du maiatzaren 26an, igandea, Irañetan. Bizkletaren inguruan antolatutako ospakizuna da, eta ibilaldi erraz baten ondoren parte hartzaileen artean zozketak egingo dituzte eta auzatea egongo da. Ondoren, Izaskun Mujika ipuin kontalaria eta herri jolasak eta bizikleta konpontzeko tailerrak izango dira. Ekimena adin guztiendako da; 10 urtetik beherakoak heldu batek lagunduta joan behar dira. Ezin da parte hartu izena eman gabe; maiatzaren 21ean amaitzen da epea, 948 464 866 edo 648 070710 telefonoetan edo kirolak@sakana-mank.eus edo anitzartean@sakana-mank.eus epostetara mezua bidaliz.
Bizi Festaren ibilaldia ez lehiakorra da eta txirrindulariak Irañetatik Ihabarrera eta Hiriberrira joanen dira, Irañetara itzultzeko. Parte hartzaileek mendiko bizikleta eraman behar dute eta kaskoa erabiltzea derrigorrezkoa da. Martxa aurretik bizikleta doitzea aholkatzen du antolakuntzak.
2024ko Bizi Festaren egitaraua
Maiatzak 26 igandea
Irañeta
10:00 Bi orduko bizikleta ibilaldi erraza. Bukaeran partaide guztien artean opariak zozketatuko dituzte, eta auzatea egongo da.
12:00 Izaskun Mujika ipuin kontalaria.
12:30 Herri jolasak eta bizikleta konpontzeko tailerra.
