Genero indarkeriaren inguruko antzezlana

Guaixe 2022ko aza. 18a, 09:41

Azaroaren 26an, larunbatean, Boga Boga konpainiaren 'Behi-jasa' antzezlana izanen da Irurtzungo kultur etxean. Besteak beste, Laura Penagos Etxarrengo aktoreak parte hartzen du. 

Azaroaren 19an, larunbatean, mustuko dute Behi-jasa antzezlana Antsoainen eta Sakanako Mankomunitateko Berdintasun zerbitzuak Azaroaren 25 Emakumeen aurkako indarkeriaren kontrako egunaren harira antolatu duen egitarauaren barruan, azaroaren 26an, larunbata, 19:00etan, Irurtzungo kultur etxean izanen da. Bikote harreman baten etxe barruko egoerak aurkezten ditu lanak, eta aktoretako bat Laura Penagos etxarrendarra da. 

'Behi-jasa' antzezlana 

Sinopsia:  Fernando eta Margarita elkarrekin bizi dira. “Behi-jasa” datorrela esatea maite zaitut esatearen tankerako keinu bilakatu da beraien harremanean. “Behi-jasa” antzezlanak genero indarkeria eguneroko ogia den etxe batean sarrarazten gaitu. Etxe hau ez litzaiguke hain arrotza, urrunekoa edo ezezaguna irudituko izatez. Hori bai; etxe horretan somatzen den sentimentu ilun horri maitasun deitzea, ankerkeria ikaragarria litzateke; eta horixe da haun justu hain arrotza, urrunekoa edo ezezaguna ez zaigun Margarita eta Gernandoren etxe horretan aurkituko duguna: Bere emazteari maite zaitut-ik ankerrena esaten dion gizon bat.

Fitxa artistikoa

  • Antzezleak: Adriana Salvo, Iñigo Aranbarri, Laura Penagos
  • Dramaturgia: Carlos Be
  • Kanpo begirada: Marina Suárez Ortiz de Zarate
  • Sormena: Boga Boga
  • Aholkularitza eszenografikoa: Goizeder Izko
  • Jantziak: Aiora Ganuza
  • Argiztapena eta soinua: David Bernués. Acrónica Producciones
  • Aholkularitza artistikoa: Olatz Gorotxategi
  • Irudi grafikoa: Sandra Vallejo

Emanaldia: Azaroak 26, larunbata, 19:00etan, Irurtzungo kultur etxean. 

Saria: Genero indarkeriaren aurkako zigilua jaso zuen 2017an Espainiako Gobernuko Berdinatsun Ministerioaren aldetik.

'Gertatzen da, eta badira horren erantzuleak'
Sakanako Mankomuntitateko Berdintasun zerbitzuaren egitaraua

Azaroak 17 osteguna
19:00etan, Olaztiko kultur etxean

  • Emma Larretaren InVISIBLES dokumentalaren emanaldia eta solasaldia. 

Azaroak 18 ostirala
18:30ean, Urdiaingo Herrientxean

  • Urpekariak haurrendako bertso antzezlanaren emanaldia. 

Azaroak 19 larunbata
19:00etan, Lakuntzako kultur etxean 

  • Emma Larretaren InVISIBLES dokumentalaren emanaldia eta solasaldia. 

Azaroak 23 asteazkena
18:30ean, Uharte Arakilgo udaletxean

  • Agresiones sexuales medaidas por alcohol y otras drogas Aitziber Bañuelos Ganuzaren hitzaldia. 

Azaroak 24 osteguna
19:00etan, Arbizuko udaletxean

  • Beatriz Egizabalen Magma Mia bakarrizketa. 

Azaroak 25

  • Mobilizazioak. 

Azaroak 26
19:00etan, Irurtzungo kultur etxean

  • Behi jasa antzezlanaren emanaldia. 

Azaroak 27 igandea
Etxarri Aranazko plazan

  • Emakumeen aurkako indarkeriaren kontra Emakumeen arteko sareak ehundu ekimena.
    • 11:00 Topaketa.
    • 13:00 Ekitaldia. Ondoren, Pantxika Lamur. 

Abenduak 1
18:00etan, Unanuko Denok Bat elkartean

  • Liburu dasta. Literatur solasaldiak idazleekin: Alaine Agirreren Karena liburua. 
    Sakanako Mankomunitateko Euskara eta Berdintasun zerbitzuek antolatutakoa. 

Abenduak 9 eta 10, ostirala eta larunbata
Olazti

  • Neska gazteendako autodefentsa feminista ikastaroa. 
    Izen ematea: berdintasuna@sakana-mank.eus
Erlazionatuak

Bikote baten etxean sartu

Erkuden Ruiz Barroso 2022 aza 22 Irurtzun