Runba, salsa, kunbia eta regetoia. Raimundo el Canasteroren musika estiloa anitza da, baina denak dantzagarriak dira. Taldea Lizarran sortu zuten duela bi urte, eta pixkanaka ezagunagoak egiten ari dira Nafarorako festa eta oholtzetan. Ekainaren 2an, ostirala, 21:00etan, Irurtzungo kultur etxean kontzertua emanen dute. Emanaldia Nafarroako Gobernuko kultura sailak antolatzen duen Bira Nafarroan Barna programaren barruan izanen da, eta Trinitate festei hasiera emanen die.
Raimundo el Canastero taldearen kontzerturako sarrerak bost eurotan eros daitezke Irurtzungo Udaleko webgunean edo kultur etxean, eta kontzertua kultur etxean izan arren, zutik ikusteko eta gozatzeko izanen dela jakinarazi dute udaletik.
