Irurtzungo Itxesia udal igerilekuak berritzeko lanak hasi berri dira. Obra horrekin Irurtzungo Udalak legediak ezartzen duenera egokituko du kirol azpiegitura. Horretarako, gainezkabidea, arazketa sistemak, zerbitzuak eta beste berrituko dituzte. Aldi berean, igerilekuak eraisten hasi dira, berriak egiteko; beheko bi igerilekuak banatuta egonen dira, goikoa, berriz, txikiagoa izanen da. Lanak emateko deialdiaren arabera, enpresak obra egiteko sei hilabete ditu. Lanek 759.000 euroko (BEZik gabe) aurrekontua dute.