Lamium purpureum da gure gaurko landarea. Negu bukaeran loratzen hasten da eta udaberria iritsi orduko, nonahi ikusten dugu. Itxuraz asun txiki bat ematen du -25 zentimetrotara ez da iristen- eta hori da duen defentsarik handiena etsaien aurka. Hazi asko izaten ditu eta fruituek txingurriak erakartzen ditu, Erythronium dens-canis landareak bezala. Gero, txingurriek haziak zabalduko dituzte eta horrela biek onura jasoko dute.
Mimetismoa eta elkarlana, bikote bikaina aurrera egiteko.