Irudia: Alpha /CC BY-SA 2.0
OSAGAIAK (4 lag.)
Paella
40O g arroz
1 tipula
2 piper berde
1 piper gorri
1 tomate lata (400 g)
½ kg txipiroi
12 txirla
12 ganba
1 ½ l arrain-salda
oliba-olioa
gatza
Arrain-salda
arrain-hezurrak
ganben buru eta azalak
3 tipula
oliba-olioa
ura
gatza
NOLA EGIN
Arrain-salda
- Jarri eltze batean sutan arrain-hezurrak eta ganben buru eta azalak. Eltzekoa luze egosi, arrain-salda egiteko.
- Tipula txikitu eta potxatu, su bizi samarrean. Potxatutakoan, gorritutakoan, gehitu arrain-saldari eta utzi egosten.
- Denbora luzez egositakoan, salda iragazi. Gatza eman.
Paella
- Moztu piper berdeak, piper gorria eta tipulak, eta potxatu eltze batean, gatza emanda.
- Potxatutakoan, gehitu txipiroiak, txikiturik. Paella haragiarekin egin nahi izanez gero, haragia aparte frijitu eta barazkiei gehitu.
- Txipiroiak egindakoan, tomatea gehitu. Nahikoa denbora baldin badugu, naturala; bestela, frijitua.
- Bota olioa paella-ontzira, eta berotu. Berotutakoan, arroza gehitu eta pixka batean sueztitu. Gatz pixka bat eman.
- Gehitu lehen prestatutako nahasia (txipiroiak-eta) eta nahastu. Gehitu salda, bero-bero, irakiten hasi behar du berehala. Eragin ontziari pixka bat, eta utzi irakiten, ia mugitu gabe.
- Erdi eginik dagoenean, 10 bat minutu pasatu direnean, txirlak gehitu. Paella labean egin nahi izanez gero, dagoeneko 200 gradutan beroturik dagoen labean sartu, 15 bat minutuz.
- Ia eginik dagoenean, jarri ganbak gainean.
- Guztira, 15-20 minutu beharko ditu egiteko, eta beste 5 minutu sutatik kendurik, zapi edo trapu batez estalirik.