OSAGAIAK (15 lag.)
Kiwi-saltsa
1 kg kiwi
200 g azukre
100 g ur
6 gelatina
1 kopa vodka
Marrubi-moussea
1 kg marrubi
200 g azukre
100 g ur
6 gelatina
1/2 l esne-gain
Apaintzeko
kakao-hautsa
4 marrubi
NOLA EGIN
Kiwi-saltsa
- Kiwiak zuritu, zatitu, jarri irabiagailuaren ontzian eta gehitu kopa bat vodka.
- Almibarra egiteko, fruta-kiloko 200 g azukre beharko ditugu. Jarri eltze batean azukrea eta ura. Sutan eduki, azukrea desegin arte. Utzi epeltzen.
- Jarri gelatinak ur pixka batean, hidratatzeko. Hidratatutakoan, gehitu almibarrari eta nahastu, ongi desegin arte.
- Gehitu almibar epela kiwiei, irabiagailuarekin txikitu eta iragazi.
- Zerbitzatu kiwi-saltsa plater sakonetan, eta utzi hozten.
Marrubi-moussea
- Marrubiak garbitu, zatitu eta jarri irabiagailuaren ontzian.
- Gorde marrubi batzuk, lauren bat edo, platera apaintzeko. Xerratan moztu eta gorde.
- Almibarra egiteko, fruta-kiloko 200 g azukre beharko ditugu. Jarri eltze batean azukrea eta ura. Sutan eduki, azukrea desegin arte. Utzi epeltzen.
- Jarri gelatinak ur pixka batean, hidratatzeko. Hidratatutakoan, gehitu almibarrari eta nahastu, ongi desegin arte.
- Gehitu almibar epela marrubiei, irabiagailuarekin txikitu eta iragazi.
- Esne-gaina harrotu. Gehitu marrubi-saltsari eta nahastu. Hozkailuan sartu, ongi hozteko.
Platerean nola
- Dagoeneko plater sakonetan daukagu prest kiwi-saltsa.
- Gehitu marrubi-moussea gainean.
- Jarri marrubi zati batzuk gainean, apaintzeko, eta bota kakao-hauts pixka bat gainean.