OSAGAIAK (4 lag.)
Legatza
1 kg legatz
oliba-olioa
gatza
Escalibada
1 piper gorri
1 berenjena
1 tipula
oliba-olioa
gatza
Modenako ozpin-krema
Escalibada
- Jarri labeko erretilu batean piperra eta berenjena osorik, olioz bustita eta gatz larria emanda.
- Labea bero dagoela, 250º-tan, labean sartu. Barazkien goiko aldea eginik dagoenean, buelta eman eta labean sartu, erabat egin arte. 45 bat minutu beharko ditu guztira.
- Piperrak zabaldu, haziak kendu, azala kendu eta tiratan moztu. Hobe epel dagoela egiten badugu. Ez bota piperrak eta berenjenak askatu duten ura.
- Berenjenari azala kendu eta txikitu.
Tipula
- Tipula txikitu eta potxatu.
- Jarri berenjena txikitua kazo batean, eta gehitu potxatutako tipularen erdia. Gehitu berenjenak eta piperrak askatu duten ura. Irabiagailuarekin txikitu eta iragazi.
- Beste kazo batean, nahastu piperra, tiratan mozturik, eta potxatutako tipularen beste erdia. Nahastu eta gorde.
Legatza
- Legatzari gatza eman.
- Plantxa bero-bero dagoela, zabaldu gainean olio pixka bat, eta legatza bertan egin, azala goraka duela. Bota olio pixka bat gainera.
- Legatza gorritutakoan, labeko erretilu batera atera, azala beheraka duela. Aurretik, zabaldu olio pixka bat erretiluan, ez itsasteko. Azalaren aldea egin gabe utziko dugu, legatza labean eginen delako erabat.
- Labea bero dugula (200 gradu), bertara sartu 5 bat minutuz. Arrainari salda moduko likido zuri bat ateratzen hastean, arraina prest egonen da.
Dena bat
- Lehendabizi, jarri platerean berenjenaren eta tipularen saltsa.
- Ondoren, jarri legatza gainean-
- Gero, legatzaren gainean, piper-tipula.
- Azkenik, apaindu Modenako ozpin-krema pixka batekin.