OSAGAIAK (4 lag.)
Borraja
1 borraja
1 baratxuri
oliba-olioa
gatza
Borraja-krema
borraja-hostoak
ekilore-olioa
Perretxiko beltzak, tronpetak
½ tipula
½ porru
200 g perretxiko beltz (tronpeta)
Zigalak
16 zigala
oiba-olioa
gatza
2 baratxuri
perrexila
NOLA EGIN
Borraja
- Bereizi zati zuria (orri-mamiak, penkak) eta berdea, eta moztu orri-mamiak 3-4 cm-ko zatitan. Nahi izanez gero, kendu izkinako zatia luzetara. Garbitu. Gorde zati berdea.
- Jarri eltze batean ura berotzen, gatza emanda. Irakiten hasitakoan, gehitu borraja-hostoak. Eman irakinaldi bat, eta atera ur hotzez eta izotzez betetako ontzi batera.
- Beste eltze batean, egin gauza bera orri-mamiekin. Baina eduki irakiten 3-4 minutu, tapa jarrita. Orri-mamiak ere atera ur hotzez eta izotzez betetako beste ontzi batera.
Perretxiko beltzak, tronpetak
- Zartagin batean, potxatu tipula eta porrua, txiki-txiki mozturik eta gatza emanik.
- Potxatutakona, gehitu perretxiko beltzak tiratan moztuta, luzetara. Eduki sutan, egin arte.
Borraja-krema
- Jarri borraja-hostoak irabiagailuaren ontzian, gehitu kikara pare bat ekilore-olio, eta txikitu irabiagailuarekin. Behar baldin badu, gehitu borraja-hostoak egosteko erabili dugun ur pixka bat.
- Jarri ontzi batean, iragazita, eta eman irakinaldi bat.
Zigalak
- Igurtzi olioz labeko erretilu bat, eta jarri zigala zurituak gainean.
- Bota gainean baratxuriak txikiturik, gatz pixka bat eta oliba-olio pixka bat.
- Sartu labean, 200 º-tan, eta egin 2-3 minutuz.
- Egindakoan, atera eta bota perrexil pixka bat gainean.
Dena bat
- Jarri zartagin batean olio pixka bat eta gorritzen jarri baratxuri bat txikiturik. Gorritzen hastean, gehitu borrajaren orri-mamiak eta salteatu. Ondoren, gehitu perretxiko beltzak.
Platerean nola
- Zabaldu borraja-krema plater zabal batean.
- Jarri borraja-perretxikoak gainean.
- Azkenik, jarri zigalak gainean.