OSAGAIAK (4 lag.)
Oilaskoa
4 izter
gatza
Saltsa
2 tipula
gatza
oliba-olioa
16 ganba
16 txirla
oilasko-salda
NOLA EGIN
Oilaskoa
- Egin oilasko-izterrak parrillan edo zartaginean, azalik eta hezurrik gabe; egin lehendabizi hezurraren aldea.
- Egindakoan, gatza eman. Gorde.
Saltsa
- Ganbei buruak kendu eta zuritu. Gorde ganbak eta buruak geroko.
- Eltze zabal batean, potxatu tipula, txiki-txiki eginik, gatza emanda. Beldurrik gabe egin; gorrituta eta itsatsita ere, arazorik ez.
- Tipula ongi egindakoan, gehitu parrillan egindako izterrak eta haragi-salda bota, erdia-edo estali arte. Tapa jarri eta irakinarazi 15-20 minutuz. Ondoren, kendu tapa eta utzi salda urritzen.
- Estutu ganben buruak izterren gainean, zukua askatzeko. Itsaski-kremaren bat izanez gero, gehitu pixka bat. Saltsa lehor baldin badago, gehitu haragi-salda gehixeago.
- Salteatu ganbak oliotan, eta gorde.
- Ireki txirlak, ganbak salteatzeko erabili dugun zartagin berean.
- Gehitu ganbak eta txirlak izterrei, eta nahastu.