guaixe.eus

Arazo telefonikoak

Erabiltzailearen aurpegia   Iritzia

kolaboratzaileak

Iratxek aurten telefoniari buruz jasotako 4.500 kasu baino gehiagoren artean, arazo ohizkoenak hauek dira: gehiegizko fakturak, tarifikazio gehigarriko zerbitzuen kobrantza, baimenik gabeko altak edo neurriz kanpoko penalizazioak.
Kontsumitzaileak zuzenak ez diren fakturak ikusten ditu, gehiegizkoak edo okerrak direlako. Batzutan, enpresak ez ditu kontratatutako prezioak ezarri eta, orokorrean, erreklamatuz gero, zenbateko okerrak zuzendu egiten dira. Bestetan, ordea, adostasun eza kontsumitzaileak zerbitzua kontratatu zuenean adostutako tarifak benetan ezagutzen ez dituelako sortzen da.
Kontsumitzaileak kontratatu ez dituela esaten duen ordaindu beharreko zerbitzuak. Zerbitzu bakoitzaren baldintzak begiratu beharko dira. Zerbitzu arruntak batzutan kontsumitzaileari oharkabean pasatzen zaizkio. Tarifikazio gehigarrikoetan, kontsumitzaileak eskubidea du zerbitzu horiei dagokien fakturaren zatia ez ordaintzeko, baimenik eman ez badu horiek kontratatzeko. Eskubidea du ere hornitzaileari zerbitzuaren deuseztapena eskatzeko.
Kontratua egin eta gutxira koberturarik ez dutela ohartzen dira eta zerbitzua kasik ezin dutela erabili.
12 euroren ordez 300 euro, iraunkortasun okerragatik. Sarritan, penalizazio hau erabiltzen da bezeroek alde egin ez dezaten eta era okerrean ezartzen da. Ohizkoa da konpainiek penalizazioa osotara kobratzea, baita baldintzak bukatzeko hamabost egun soilik gelditzen zaien bezeroentzat. Horrela, tratatutako kasu batean adibidez, 300 euro kobratu nahi dute, bidezkoa 12 euro denean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak