Dagoeneko izena eman daiteke Gazte Txokoan

Gazte Txokoa egiteko auzolanetan parte hartu zuten gaztetxoek. UTZITAKOA

11 eta 14 urte arteko gaztetxoek egin dezakete, udaletxean. Hilaren 26an mustuko dute.

Lakuntzako Udalak jakinarazi du dagoeneko zabalik dagoela Gazte Txoko zerbitzuan izena emateko epea. Hilaren 26an zabaldu eta maiatzera arte zabalik izanen da, larunbatetan eta igandeetan 17:00etatik 20:30era. Denboraldi guztirako izen ematea 40 eurokoa da gazte bakoitzeko,  bost euro hilabetean. Lakuntzako Udalak jakinarazi duenez, tasa ordainagiri bitartez kobratuko da, erdia denboraldi hasieran, eta beste erdia martxoan. Gaztigatu duenez, jarduera hasi ondoren, ez du dirua bueltatuko. Tarifak ordaintzetik salbuetsita egoteko aukerak ere aurreikusi ditu udalak, esaterako, diruz eskas dabiltzanendako. Horretarako, aldez aurretik eskaria egin beharko diote udalari, Oinarrizko Gizarte Zerbitzuak emandako txostena baliatuta. 

Udalak jakinarazi duenez, seme-alabak gazte txokoan inskribatzen dituzten familiek, izena emateko orria betetzeaz aparte, dokumentu bat sinatu beharko dute: parte hartzeko baldintzak onartzeko, informazioa emateko eta kontingentzia plana onartzeko eredua eta 2021-2022 gaztetxokoan parte hartzeko baimen informatua. Gurasoek Gazte Txokora joaten diren gaztetxoen bidez jasoko dute sinatu beharreko agiri hori. Udalak dagoeneko hiru begiraleak kontratatu ditu. Egoitzan egin beharreko guztiak despedituta da daude, gaztetxoak hartzeko prest. 

Erlazionatuak

Gazte txokoak abendu erdialdean zabalduko ditu ateak

Lakuntza

Sakanako Mankomunitatearen egoitzaren ondoan dago. 11 eta 14 urte arteko gaztetxoei bideratuta dago. Larunbat eta igande arratsaldeetan zabalduko d...
Gazte txokoa auzolanean

Lakuntza

Lakuntzako Udalak Gazte Txokoa abendu erdialdean zabaltzeko asmoa du. Hura prestatzen udaleko langileez aparte, gurasoak eta gaztetxoak aritu dira,...