Zabalarte elkarteak antolatuta ekainaren 11n, igandea, XVIII. Lakuntza Aralar Mendi Lasterketa izanen da, 09:30etik aurrera, Lakuntzako plazatik. Lasterketa solidarioa izanen da, eta dortsal solidarioa salduko dituzte bi eurotan, aldez aurretik tabernetan eta lasterketa egunean 12:00etan. Ekainaren 9an, ostirala, lasterketaren harira antolatutako Sustrai Eraikuntzaren Trantsizio energetikoa Nafarroa hitzaldia izanen da, 19:30ean, Lakuntzako udaletxean.
Lakuntza Aralar lasterketak bi ibilbide izanen ditu: luzea eta laburra, eta laburra ere martxan egin daiteke. Ibilbide luzeak 26 kilometro ditu eta 1200 metroko desnibela, eta Atazartik gora Guardetxera heldu eta handi gora Irumugarrietara, 1430 metrora, iristen da. Desaotik eta Pagomaritik Arangunera jaitsiko da eta handik Lakuntzara.
Ibilbide laburra 13,3 kilometrokoa da eta 640 metroko desnibela du, eta Atazartik gora Guardetxeraino iristen da eta bertatik Larluzgainera egiten du, Etxaaltxetatik Arangunera joateko, eta herrira jaisteko. Bestetik, 08:30ean abiatuko den martxa ez lehiakorra antolatu du Zabalartek ere, lasterketaren kontrako norabideal. Lasterketarekin Sustrai Eraikuntza Fundazioa lagunduko du mendi taldeak.
Izena ematea dagoeneko zabalik dago herrikrosa.eus webgunean.
