Infernuerreka, Olatzagutiko tabernak biltzen dituen taldeak, urtea bete du. Eta sari emate baten berri emanez ospatu du. Izan ere, 2016 despeditzeko herriko produktuez betetako ikaragarrizko saskia zozketatu zuten pintxo-potean parte hartu zutenen artean. Sarituak Jaione Santamaria, Cristina Lanchares eta Izaro izan dira.
Taldeak segida izanen duela iragartzearekin batera, bere ordezkariek jakinarazi digute pintxo-pote eskaintza egiten segituko dutela. Horregatik, ostiralean 19:30etik 22:00etara Clinker, Erburua, Barandi, Aixeleku, Bujanda eta Agedi tabernetatik edo kafetegietatik pasatzeko gonbidapena luzatu dute. Pintxo-potea dela eta 2016an zehar hainbat sari banatu zituzten honakoek eskuratu zituztenak: Rosa Ganuza, Xabier Grados,Lara Aldaz, Idoia Kintana eta Paco Galeano.
Loturak:
http://guaixe.eus/olazti/1453391860994
http://guaixe.eus/olazti/1458727602594
Pintxo-poteak saria du
