2024ko Nafarroa Zinema Lurraldea jaialdiko sari banaketa Ribaforadako kultur etxean izan zen, abenduan, eta bertan Olatzagutian grabatutako Ana Barberan zinemagilearen Amándala film laburrak epaimahaiaren sari berezia eta publikoaren saria jaso zituen, bakoitzak 500 eurokoa. Jaialdiko irabazle nagusia Argedasen grabatutako Arado izan zen. Aurreko edizioan ere Olatzagutian grabatutako lanak saria jaso zuen.
Jaialdiko epaimahaia Carlos Gurpegui, kazetaria eta Espainiako Zinema Akademiako kideak; Carlos Guerrero, ekoizlea, Midnight Fear Factory estudioetako zuzendaria eta Errealizadore Berrien Plataformako kideak; Vitor Palacios, zuzendaria, ekoizlea eta Espainiako Film Laburren Koordinadoraren zuzendaritza kideak; Lamberto Guerra aktorea, zuzendaria, gidoilaria eta ekoizleak, eta Izaskun Rodriguez kazetaria eta EHUko irakasleak osatzen zuten.
