· Parte-hartzaile bakoitzak, gehienez, 2 argazki aurkeztu ditzake. Argazkiarekin batera adierazi beharko dira:
Egilearen izen-abizenak eta herria.
Harremanetarako telefonoa.
Argazkiaren azalpena: Non eta noiz aterata dagoen. Argazkiko gaiak iradokitako esaldiren bat ere idatzi daiteke.
· Argazkiak bidaltzeko epea: uztailaren 11tik irailaren 3ko 12:00ak arte (biak barne).
· Argazkiak guaixe.eus webgunean lehiaketarako atondutako formularioaren bidez bidaliko dira.
· Argazkiek gehienez 5 MB izan beharko dute.
· Argazki guztiak guaixe.eus-ko argazki galeria baten egonen dira ikusgai.
· Sakanan jaio edo bizi den orok parte hartu ahal izanen du.
· 16 urtetik gorako sakandarrek parte hartu ahal izanen dute.
· Argazkiek jatorrizkoak, originalak, eta argitaratu gabeak izan behar dute.
· Argazkiak koloretan zein zuri-beltzean aurkeztu daitezke.
· Udako argazkiak izanen dira: berdin da aurtengoan ateratakoak izatea edo beste batekoak.
· Parte-hartzearekin egileak aitortzen du bidalitako argazkiaren eta horren edukiaren ardura duela. Hortaz, parte-hartzaile bakoitza izanen da hirugarren baten eskubideak ukatzearren gerta litezkeen erreklamazio guztien arduradun bakarra, honen barruan sartuz muga gabeko jabetza industrialeko edo intelektualeko lege-jabetza eta irudi-eskubideak. Beraz, lehiaketako parte-hartzaileak Guaixe eta Guaixe fundazioa kalte gabe utziko duela hitzematen du.
· Antolatzaileek beren gain hartzen dute argazki batzuk lehiaketatik kanpo uzteko eskubidea, giza eskubideen kontrakoak direla uste badute: bortizkeria, irainak, arrazakeria, sexismoa, ohorezko eskubidea, bakoitzaren intimitatea eta familiarena edo bestelako eskubide urraketak adierazten dituzten lanak ez dira onartuko.
· Irabazleak nortzuk diren irailaren 14ean jakinaraziko dugu, Guaixe astekarian eta www.guaixe.eus-en.
· Bi saritu izanen dira: Guaixeko epaimahaiak aukeratutakoa bata eta internautek bozken bidez aukeratutakoa bestea. Gerta daiteke bi sariak pertsona berak jasotzea.
SARIAK:
1 Costa Dauradan, 3 izarretako hotelean egonaldia 7 gau. Bi heldu eta 10 urte bitarteko haurrarentzako. Pentsio erdiko erregimenean. (Irailaren 15 etik Urriaren 11 arte erabiltzekoa)
2 Errigorako lotea.
· Bozkatzeko epea: irailaren 3tik irailaren 7ko 12:00ak arte (biak barne)
· Lehiaketan parte hartzen duten argazkiak ez dira Guaixe-renak izanen. Bere artxiboan gordeko ditu eta parte-hartzaileak onartzen du Guaixe fundazioak haiek erabiltzeko aukera izanen du, beti ere, egilearen izena aipatuz.
· Parte-hartzaileek emandako datuak zozketa bideratzeko erabiliko den Guaixe fundazioaren fitxategi batean sartuko dira. Guaixe fundazioak jakinarazten du datu pertsonalak babesteari buruzko 1999ko abenduaren 13ko 15/1999 Lege Organikoan ezarritakoaren eta horretarako aplika daitezkeen araudien arabera noiznahi erabil dezakezula datu pertsonalak sartzeko, horiek zuzentzeko, ezeztatzeko edo horiei aurka egiteko eskubidea. Horretarako, idatzi bat bidali behar diozu, postaz, Guaixe fundazioari, eskaera adieraziz eta nortasun agiriaren kopia batekin: Guaixe fundazioa, Foru plaza, 23, 1. solairua. 31.800. Altsasu, Nafarroa. Edo fundazioa@guaixe.eus e-postara mezua bidaliz.
· Beharra izanez gero, antolakuntzak beregan hartzen du oinarriak aldatzeko ahalmena eta, era berean, ahalmena du oinarrietan ez datorren edozein gertakizun konpontzeko.
· 2018ko Udako Argazki Lehiaketan parte hartzen duenak oinarri hauek bere osotasunean onetsiko eta onartuko ditu.